KOKS behind the scenes

 

Tað er løgið at hugsa sær, at gandurin, sum er KOKS, hendur her í lítla tronga køkinum í kjallaranum á Hotel Føroyum. Her hava høvuðskokkurin, Poul Andrias Ziska og Nikolaj, við góðari hjálp frá øðrum hjálparkokkum, arbeitt í ein mánaða við at gera matskránna til KOKS 2017 - og nú eru teir komnir á mál. 

11. apríl letur KOKS hurðarnar á matstovuni í Kirkjubø upp fyri fyrstu ferð í ár við nýggjari matskrá, nýggjari vínskrá og nýggjari saftskrá.

Nógvir útlendingar hava longu bílagt borð og enn eru nøkur fá pláss eftir.

 

Myndir: Tjóðhild Patursson

Úr royndarkøkinum hjá KOKS
Lítli royndakøkurin
Lítli royndakøkurin

Nikolaj Ivert Kristensen er ein av kokkunum á KOKS. Tá ið vit eru inni og vitja, stendur Nicolaj uppi yvir eini grýtu í lítla royndarkøkinum og klárnar oksasoð - hann rørir og rørir.

Apple lavage
Apple lavage

Á borðinum liggja 3 posar av 'apple lavage' - soleiðis eitur súrepladjús á 'fínum' matmáli. Næstan alt sum er skrivað á eskjur og posar, er skrivað á enskum, tí á KOKS arbeiða kokkar úr øllum heiminum.

Nógvu eskjurnar
Nógvu eskjurnar

Hyllarnar eru á tremur við pulvuri, turkaðum urtum og turkaðum tara.

... Og hann rørir og rørir
... Og hann rørir og rørir

Tá ið oksasoðið skal klárnast mást tú fylgja væl við - Nikolaj er ógvuliga fokuseraður. Ongantíð hava vit sæð nakran vera so hugsavnaðan um at røra í eini grýtu.

Smakkiroyndir
Smakkiroyndir

Poul Andrias Ziska, høvuðskokkur á KOKS, vísir okkum ymiskar sósir, teir báðir hava gjørt til ymisku rættirnar.

Purruolja
Purruolja

Poul Andrias fortelur, at 'leek oil' ella purruolja verður gjørd við at mala hitt grøna á purruni við olju - soleiðis fer tað ikki til spillis. Hetta er lætt at royna heima.

Fryst spinat
Fryst spinat

Nógv av grønmetinum, sum verður brúkt á KOKS um summarið, er frískt og føroyskt. Men enn er so tíðliga á árinum, at gróðurin er ikki veruliga byrjaður. Í dag brúka teir fryst spinat í royndakøkinum.

Mandlumjólk og aðrir drykkir
Mandlumjólk og aðrir drykkir

Vit lúrdu í listarnar á vegginum, og sóu ein lista yvir djússkránna. Vit tóku onga mynd av djússkránni, men her er ein ábending um hvat fer at vera á spennandi djússkránni í ár - tað verður helst torført at velja millum djússkrá og vínskrá.

Gerað purrudjús
Gerað purrudjús

Nei, geraða purrudjúsið verður ikki brúkt sum drykkur á djússkránni - men verður nýtt í onkurari sós/dressingi.

Smakkiroynd
Smakkiroynd

Eftir at Poul Andrias hevði tryggjað sær, at tað smakkaði sum tað skuldi, fingu vit ein smakk. Fantastiskt. Hetta verður eisini roynt heima - gerað purrudjús!

 
KOKSAllan DalsgarðMyndasavn